ரூம் போட்டு தண்ணியடிக்கும் அங்காடித்தெரு நாயகன்!

வசந்தபாலன் இயக்கிய அங்காடித்தெரு படத்தில் நடித்தவர் மகேஷ். அந்த படத்தில் நடிப்பதற்கு முன்பு அவர் ஒரு ஸ்போர்ட்ஸ் மேன். இந்திய அளவில் பெரிய விளையாட்டு வீரராக வேண்டும் என்பதுதான் அவரது வாழ்வின் பெரும் கனவாக இருந்ததாம். ஆனால் எதிர்பாராதவிதமாக வசந்தபாலன் அவரது வாழ்க்கையில் குறுக்கிட்டு, சினிமா பக்கமாக திருப்பி விட்டார். இதனால், விளையாட்டு சாதனங்களையும், கனவுகளையும் மூட்டி கட்டி பரணி மேல் தொங்க விட்டுவிட்டு முழுநேர சினிமா நடிகராக பிரவேசித்தார்.

இருப்பினும் அதன்பிறகு மகேஷ் நடித்த எந்த படமும் வெற்றி பெறவில்லை. அதோடு நடித்து வரும் சில படங்களும் இழுபறியில் நிற்கின்றன. இதனால் மனசொடிந்து போன அவர், ஹோட்டலில் ரூம் போட்டு பாட்டில் பாட்டிலாக பீர் அடிக்கிறாராம். அதோடு புண்பட்ட மனதை ஆற்ற புகையை ஊதி தள்ளுகிறாராம். ஆக, இதுவரையில் கட்டுக்கோப்பாக உடம்பை வைத்திருநத மகேஷ், இப்போது அதை கண்டபடி வளர்த்து விட்டார். அவரது உருவம் 50 வயது கதாநாயகர்களைப்போன்று ஊதி பெருத்துப்போய் விட்டது. இதனால், அடுத்தடுத்து மகேஷை வைத்து படம் பண்ண இருந்த படாதிபதிகளும் இது தேறாது என்று பின்வாங்கிவிட்டனர். ஆக, வழக்கத்தை விட இப்போது இன்னும் இரண்டு பாட்டில் சரக்கை அதிகமாக உள்ளே தள்ளுகிறாராம் நடிகர்.